अखबार नेपाल ट्रेन्डिङ

काठमाडौं:  नर्भिक अस्पतालले बाढीपहिरोमा परी घाइते हुनेहरुको उपचारका लागि अलग्गै युनिट सञ्चालनमा ल्याएको छ ।  अस्पतालले देशका विभिन्न क्षेत्रमा लगातार वर्षाका कारण बाढीपहिरोमा परी घाइते हुनेहरुको उपचारका लागि अलग्गै युनिट सञ्चालनमा ल्याएको हो ।

नर्भिक अस्पतालले बाढीपहिरोमा परी घाइते भएकाहरुका लागि सञ्चालनमा ल्याएको उक्त युनिटमा डेडिकेटेड शय्या, चिकित्सक तथा नर्सिङ स्टाफसहितको अलग्गै टिम तयार गरेको छ। यो टिमले अनवरत रुपमा बाढीपहिरोमा परी घाइते भएकाहरुको उपचार गर्नेछ ।

बाढीपहिरो पीडितहरुको सहज, सरल र प्राथमिकताका साथ उपचार होस् भन्ने हेतूले अस्पतालले अलग्गै युनिट तयार गरी सञ्चालनमा ल्याएको हो । प्राकृतिक प्रकोपका कारण हुनसक्ने मानवीय क्षतिलाई सकेसम्म कम गर्ने सरकारको उद्देश्यमा साथ दिँदै नर्भिकले डेडिकेटेड युनिट सञ्चालनमा ल्याएको अस्पतालले जनाएको छ । ।

कोभिड १९ को दोश्रो लहरका कारण बन्द भएको नर्भिकको ओपीडी सेवा आइतबारदेखि सञ्चालनमा आइसकेको छ। यस्तै, अपरेसन थिएटरसमेत पूर्ण क्षमतामा सञ्चालनमा आइसकेको छ।

यो पनि पढ्नुहोस् :

समाचारमा छापिएको तस्विरको विषयलाइ लिएर पत्रकारलाइ धम्कि