अखबार नेपाल ट्रेन्डिङ

एजेन्सीः बेल्जियम समूह डबीबाट युरोकपको अन्तिम १६ मा स्थान बनाउन सफल भएको छ ।

बेल्जियमले डेनमार्कलाई २–१ गोलले पराजित गरेको हो ।

कोपेनहेगनको पार्केन स्टेडियममा डेनमार्क क्रिस्टियन एरिक्सनको घटना पछि पहिलो पटक मैदानमा उत्रिएको थियो ।

युरोकप अन्र्तगत फिनल्यान्ड विरुद्ध स्ट्राइकर एरिक्सनलाई कार्डियक अरेस्टमा समस्या भएको

थियो ।

डेनिस टोलीका लागि यो खेल भावुक रह्यो ।

खेल सुरु भएको ९९ सेकेन्डमै गोल गर्दै उत्कृष्ट सुरुवात गरेको थियो ।

युसुफ पुलसेनले गोल गरेका थिए । यो युरो इतिहासको दोस्रो छिटो भएको गोल पनि हो ।

सन् २००४ मा रुसका दिमत्री किरीचेन्कोले सर्वाधिक छिटो ६७ सेकेन्डमा ग्रिस विरुद्ध गोल गरेका

थिए ।

खेल सुरु भएको दश मिनेटमा बेल्जियमले वललाई मैदान बाहिर पठाउँदै एरिक्सन प्रति समर्पण

गरेको थियो ।

दुवै टिमका खेलाडी, प्रशिक्षक, पदाधिकारी, रेफ्रि र मैदानमा उपस्थित २५ हजार समर्थकले त्यस

अवसरमा ताली बजाएका थिए ।

पहिलो हाफमा वलियो टोली विरुद्ध डेनमार्क हाबी भयो ।

उसले गोलको अवसर सिर्जना गरेको थियो ।

तर दोब्बर बनाउन सकेन ।

दोस्रो हाफमा बेल्जियम प्रशिक्षक रोबर्टो मार्टिनेजले मिडफिल्डर केभिन डि ब्रुयनालाई मैदान प्रवेश

गराए ।

उनले चोटका कारण युरोको अघिल्लो खेल गुमाएका थिए ।

ब्रुयनाको प्रवेशसँगै बेल्जियमको खेलमा परिवर्तन आयो ।

डेनमार्क माथि फिफा वरियताको शीर्ष स्थानमा रहेको टोली बेल्जियमले दवाव बनायो ।

५४ औं मिनेटमा ब्रुयनाको पासमा थोर्गान हाजार्डले गोल गर्दै खेल एक एकको बराबरीमा ल्याए ।

७०औं मिनेटमा ब्रुयना आफैंले इडेन हाजार्डको सहयोगमा गोल गरेपछि बेल्ज्यिम दुइ एकले

विजयी भयो ।

युरोमा पहिलो गोल गरेका ब्रुयनाले खुशीयाली भने मनाएनन् ।

बेल्जियमले पहिलो खेलमा रुसलाई पराजित गरेको थियो ।

डेनमार्कको यो लगातार दोस्रो हार हो ।

यसअघि फिनल्यान्डसँग डेनमार्क एक शून्यले हारेको थियो ।

अब समूहको अन्तिम खेलमा बेल्जियमले फिनल्यान्ड र डेनमार्कले रुससँग खेल्नेछ ।

यो पनि पढ्नु होस्