अखबार नेपाल ट्रेन्डिङ

काठमाडौं:  ट्यांकर चालकलाई कोरोना विरुद्धको खोप व्यवस्था गर्ने भएको छ । नेपाल आयल निगमले पेट्रोलियम पदार्थको ढुवानीमा भएको अवरोध हटाउन ट्यांकर चालकलाई खोपको व्यवस्था गर्ने निर्णय गर्को हो ।

आइतबारदेखि पेट्रोलियम पदार्थको ढुवानी ठप्प रहेको थियो । कोरोनाविरुद्धको खोप लगाउन नपाएका कारण आन्दोलित ट्यांकर चालकले पेट्रोलियम पदार्थको ढुवानी ठप्प बनाएका थिए । ट्यांकर चालक संघले माग गरेको कोरोनाविरुद्धको खोप व्यवस्था गरेर अवरोध हटाएको निगमले जनाएको छ ।

नेपाल आयल निगम र ट्यांकर चालक संघले बीच सहमति पत्रमा हस्ताक्षर भएको छ । खोप भोलिबाट लगाउन शुरु हुने भएको छ । ट्यांकर चालक संघले राखेको माग पुरा भएसंगै अब पेट्रोलियम पदार्थको ढुवानीमा भएको अवरोध हटेको छ ।

ट्याङ्कर चालक संघले कोरोनाविरुद्धको खोप उपलब्ध हुने भएसंगै पेट्रोलियम पदार्थको ढुवानी सेवा आजबाट नै शुरु हुने जनाएको छ । चालकले आन्दोलन गरेको कारण काठमाडौं उपत्यकको केही पेट्रोल पम्पले पेट्रोल छैन भनेर बोर्ड नै राखेका थिए भने केही पम्पले निरन्तर तेल दिइरहेका थिए ।

हालसम्म ५० चालक र १३ सह चालक कोरोना संक्रमित भएका छन् भने ७ जनाको मृत्यु भइसकेको छ । थानकोट र अमलेखगन्ज गरेर झण्डै २२ सय चालक तथा सहचालकले खोप लगाउन बाँकी रहेको संघले जनाएको छ ।

निगमका अनुसार भैरहवामा ६ सय, विराटनगरमा ६ सय, नेपालगञ्जमा २ सय ५० र चारआलीमा ६० जना चालक र सहचालकले कोरोनाविरुद्धको खोप लगाइसकेका छन् ।

यो पनि पढ्नुहोस् :

किसानले असारमा धान रोप्ने समयमा रासायनिक मल पाउने