अखबार नेपाल ट्रेन्डिङ

काठमाडौं: असोज १ गते नेपालमा अन्तर्राष्ट्रिय बिरामी दिवस विशेष कार्यक्रम गरी मनाइने ।

सन् २०१९ सेप्टेम्बर १७ देखि संयुक्त राष्ट्र संघले घोषणा गरेको बिरामी दिवस केन्द्र, प्रदेश र स्थानीयस्तरमा स्वास्थ्यकर्मीको सुरक्षा र सम्मानका लागि आह्वान गर्दै मनाइने स्वास्थ्य सेवा विभागको उपचारात्मक स्वास्थ्य महाशाखाले जनाएको छ ।

यस वर्षको बिरामी दिवस स्वास्थ्यकर्मी सुरक्षित नभएसम्म बिरामी सुरक्षित नहुने भएकाले ‘सुरक्षित स्वास्थ्यकर्मी सुरक्षित बिरामी’ नारा तय गरि स्वास्थ्यकर्मीको सुरक्षामा केन्द्रित गरेको महाशाखाले जनाएको छ ।

बिरामी दिवसको अवसरमा असोज १ गते साँझ ७ बजे काठमाडौंको माइतीघरमा दीप प्रज्वलनको कार्यक्रम राखिएको छ । असोज १ गते साँझ ८ बजे सम्पूर्ण देशबासीलाई दिपावली गरेर स्वास्थ्यकर्मी र बिरामीको मनोबल बढाउन साथै कोरोना संक्रमणका कारण मृत्यु भएकाहरुको नाममा एक मिनेट मौनधारण गर्न सरकारले आह्वान गरेको छ ।