अखबार नेपाल ट्रेन्डिङ

रामेछाप: रामेछाप जिल्लामा लिखुतामाकोसी गाउँपालिकाका अध्यक्ष गोविन्द बहादुर खड्का  सहितथप ६ जनामा कोरोना संक्रमण पुष्टि भएको छ ।

२ दिन अगाडि स्वाब संकलन गरेर परिक्षणकालागि काठमाण्डौं पठाइएका गाउँपालिका अध्यक्ष सहित ६ जनाको रिर्पोट पोजेटिभ देखिएको स्वास्थ्य कार्यालय रामेछापले जनाएको छ ।

संक्रमित मध्ये ३ जना जिल्ला प्रहरी कार्यालय रामेछापमा कार्यरत प्रहरीहरु छन् भने अर्का एक जना संक्रमित प्रहरीको  श्रीमति रहेकि छिन् । संक्रमित अर्का १ जना पनि थुनुवा रहेको कार्यालयले जनाएको छ । गाउँपाकिका अध्यक्ष खड्कापनि विगत तिन सातादेखी शरिर बन्धक, जवरजस्ति करणी र ठगिआरोपमा प्रहरी हिरासतमा रहेका थिए ।

प्रहरी हिरासतमा रहेका गाउँपालिका अध्यक्ष र अर्का एक जना थुनुवा सहित ६ जनामा आज संक्रमण पुष्टि भएको हो । संक्रमितहरु सवैजनालाई आज नै आइसोलेसनमा राख्नकालागि व्यबस्थापनका काम शुरु गरिएको र उनिहरुको सम्पर्कमा रहेका अन्य व्यक्तिहरुको पहिचाहन गर्ने काम भइरहको प्रमुख जिल्ला अधिकारी रुद्रादेवी शर्माले बताउनु भयो ।