अखबार नेपाल ट्रेन्डिङ

एजेन्सी: भारतमा चिसोका कारण जनजीवन प्रभावित भएको छ । राजधानी नयाँ दिल्लीमा सन् १९९७ पछि २२ वर्ष पुरानो रेकर्ड तोडेको छ । चिसो बढेपछि दिल्लीसहित ६ राज्यमा रेड अलर्ट जारी गरिएको छ ।

भारतीय सञ्चार माध्यमका अनुसार मौसम विभागले पञ्जाब, हरियाणा, दिल्ली, राजस्थान, उत्तर प्रदेश र बिहारमा रेड अलर्ट जारी गरेको हो । भारतका धेरै ठाउँमा न्यूनतम तापक्रम ‘फ्रिजिंग पोइन्ट’ भन्दा तल गएको छ । उत्तर प्रदेश, बिहार, पञ्जाब, हरियाणा, मध्य प्रदेश, झारखण्ड र राजस्थान राज्यका अधिकांश भागहरुमा मौसमका कारण जनजीवन प्रभावित भएको छ ।

चिसोले उत्तर प्रदेशमा ५९ जनाको ज्यान गएको छ । दिल्लीमा लगातार ११ दिन चिसो भएको छ । यस्तो लगातार चिसो भएको सन् १९९७ पछि पहिलो पटक हो । यस पटक चिसोले दिल्ली, नोएडा, गाजियाबाद र फरीदाबाद वरपरका क्षेत्रहरुमा बरफ जमेका छ । शनिबार दिल्लीको तापक्रम १.७ डिग्री सेल्सियस थियो ।