अखबार नेपाल ट्रेन्डिङ

एजेन्सीः अमेरिकाले ताइवान मामिलालाई लिएर चीनमाथि थप प्रतिबन्धको तयारी गरेको छ । अमेरिकाले चीनमाथि प्रतिबन्ध बढाउँदै ताइवान मामिलाबारे थप दबाब सिर्जना नगर्न वातावरण सिर्जना गर्न सकिने विषयमा अहिले छलफल भएको हो ।

ताइवानले युरोपेली संघ (ईयू)का नेताहरुलाई पनि चीनविरुद्ध सोही किसिमको नीति अख्तियार गर्न दबाब दिँदै आएको छ ।

साउथ चाइना मर्निङ पोस्टका अनुसार पछिल्लो समय चीनले ताइवानमाथि आक्रमण गर्न सक्ने आशंका बढिरहेको अवस्थामा ताइवानले पनि चीनमाथि प्रतिबन्धको लागि लबिङ गरेको हो ।

यसअघि नै अमेरिकाले चीनमाथि केही व्यापार र लगानीका साथै संवेदनशील प्रविधिमा पनि प्रतिबन्ध लगाइसकेको छ । जसमा कम्प्युटर चिप्स र दूरसञ्चार उपकरणजस्ता प्रविधि रहेका छन् ।

स्रोतले अब अमेरिकाले चीनमाथि लगाउने प्रतिबन्ध कस्तो हुन सक्छ भन्ने विषयमा भने केही बताएको छैन । यद्यपि चीनमाथि प्रतिबन्ध लगाउनु त्यति सहज भने नहुने जानकारहरुले बताएका छन् ।

आर्थिक क्षेत्रमा रुसलाई जसरी चीनमाथि प्रतिबन्ध लगाउने हो भने त्यसले नकारात्मक असर निम्त्याउन सक्ने जानकारहरुको भनाइ छ ।

चीनले ताइवानलाई आफ्नो भूमि भएको बताउँदै आएको छ । अमेरिका भने यसलाई एक स्वतन्त्र राज्यको रुपमा मान्यता दिने दिशामा अघि बढिरहेको छ ।