अखबार नेपाल ट्रेन्डिङ

एजेन्सी: छ सय भन्दा बढी अमेरिकी कम्पनीले राष्ट्रपति डोनाल्ड ट्रम्पलाई चीनसँगको व्यापार युद्ध अन्त्य गर्न आग्रह गर्दै चिठी लेखेका छन् । ट्रम्पले पछिल्लो समय चिनियाँ वस्तुहरुमाथि वृद्धि गरेको आयात करले अमेरिकी व्यवसाय र उपभोक्ताहरुलाई गम्भीर असर पारिरहेको भन्दै उनीहरुले ट्रम्पलाई सो पत्र लेखेका हुन् ।

ट्रम्पले जारी गरेको ट्यारिफविरुद्ध चलाइएको राष्ट्रिय अभियानलाई खेती, उत्पादन, रिटेल र प्राविधिक कम्पनीहरुको प्रतिनिधित्व गर्ने एक सय ५० भन्दा बढी व्यापार समूहले समर्थन गरिसकेका छन् । तर अमेरिका र चीनबीच जारी व्यापारिक तनाव राष्ट्रपति जिनपिङ र ट्रम्पबीच हुने भेटवार्ता अगाडि समाधान नहुने संकेत देखिएको छ । जस्तालाई त्यस्तै जवाफ दिने किसिमले अघि बढिरहेको व्यापार युद्धप्रति हामी गम्भीर चिन्ता व्यक्त गर्दछौ । वास्तवमा विस्तृत रुपमा सबै सामग्रीमाथि बढाइएको अतिरिक्त शुल्क चीनको अन्यायपूर्ण व्यापार नीति बदल्ने प्रभावकारी होइन । किनकी ट्यारिफ भनेको त्यो कर हो जुन चीनले होइन प्रत्यक्ष रुपमा अमेरिकी कम्पनीहरुले तिर्नुपर्ने हुन्छ ट्रम्प प्रशासनलाई बुझाइएको पत्रमा लेखिएको छ यसबारे ह्वाइटहाउसले भने तत्काल यसबारे कुनै प्रतिक्रिया जनाएको छैन ।