अखबार नेपाल ट्रेन्डिङ

एजेन्सी: अफ्रिकी मुलुक कङ्गो र युगाण्डामा इबोला संक्रमण पुनः फैलिएपछि विश्व स्वास्थ्य संगठनद्वारा आकस्मिक बैठक डाकिएको छ । स्विट्जरल्याण्डको जेनेभामा डाकिएको बैठकले पछिल्लो इबोलाको महामारीलाई अन्तर्राष्ट्रिय चासोको सार्वजनिक स्वास्थ्य संकटको घोषणा गर्ने वा नगर्ने विषयमा निर्णय लिने जनाइएको छ ।

इबोलाका कारण पछिल्लो पटक युगाण्डामा दुई बालकको ज्यान गएपछि बैठक डाकिएको हो । शुरुमा प्रजातान्त्रिक गणतन्त्र कङ्गोमा मात्र इबोलाको संक्रमण देखिएको थियो । पछि युगाण्डामा समेत इबोलाका बिमारी देखिएपछि यसलाई अन्तर्राष्ट्रिय चासोको सार्वजनिक स्वास्थ्य संकटका रुपमा घोषणा गर्नेबारे बैठक डाकिएको जनाइएको छ ।