अखबार नेपाल ट्रेन्डिङ

एजेन्सी: कोपा अमेरिकाको उद्घाटन खेलमा घरेलु टोली ब्राजिलले विजयी सुरुवात गरेको छ । आज भएको उद्घाटन खेलमा बोलिभियालाई ३-० ले पराजित गर्दै ब्राजिलले विजयी सुरुवात गरेको हो ।

ब्राजिलको जितमा फिलिपे कौटिन्होले दुई गोल गरे । यस्तै एभर्टनले एक गोल थपे । खेलको पहिलो हाफमा दुवै टोलीले बराबरी खेले । दोस्रो हाफमा भने ब्राजिलले सुरुवाती समयदेखि थप आक्रमण गर्दै अग्रता लिन सफल भयो । ब्राजिलका लागि फिलिपे कोउटिन्होले ५० औं मिनेटमा पेनाल्टीमा गोल गर्दै अग्रता दिलाएका थिए ।

बोलिभियाका डिफेन्डरले ह्यान्ड गरेपछि रेफ्रीले भिडियो असिस्टेन्ट रेफ्री (भीएआर) को सहयोगमा निर्णय लिएका थिए । पेनाल्टीमा गोल गरेको तीन मिनेटपछि नै कोउटिन्होले अग्रता दोब्बर पारे । खेलको ८५ औं मिनेटमा वैकल्पिक खेलाडीको रुपमा मैदान प्रवेश गरेका एभरटनले गोल गर्दै सहज जित पक्का गरे । जितसँगै ब्राजिलले पहिलो खेलमा नै ३ अंक जोड्न सफल भयो ।