अखबार नेपाल ट्रेन्डिङ

काठमाडौं: साहित्यिक पुस्तक प्रकाशनमा अग्रणी शिखा बुक्सले विजया दशमीको उपलक्ष्यमा पाठकहरुको बिदाको समय उपलब्धीमूलक होस् भनेर विभिन्न विधाका सात पुस्तक बजारमा ल्याएको छ ।

हालसालै मात्र शिखा बुक्सको प्रकाशन ‘महारानी’ मदन पुरस्कारबाट सम्मानित भएको छ भने उनै महारानी–लेखक चन्द्रप्रकाश बानियाँको अर्को कृति भौज्याहा पनि बजारमा आइसकेको छ ।  त्यस्तै पुरूषोत्तम बस्नेतको ‘नेपाली कांग्रेसको इतिहासको प्रारूप’, डा बद्री नारायण गौतमको ‘गणेशमान सिंह र नेपालको प्रजातान्त्रिक आन्दोलन’, डा शोभाकर पराजुलीको ‘समाजबाद र बी.पी. कोइराला’ र साहित्यकार भीष्म उप्रेतीको निबन्धसंग्रह ‘हिमाल शेर्पा र यती’ ले पुस्तक–बजारमा उपस्थिति जनाइसकेको छ । त्यस्तै टंक चौलागाईंको आख्यान कृति ‘उबडखाबड’ र शान्ति शर्माको कथासंग्रह ‘ग्रिन टावेल’ ले पनि पाठकहरुको मन जितिरहेको छ ।

फरक साहित्यिक रंग र स्वादका यी सात पुस्तकले पाठकहरुलाई पुस्तक–इन्द्रेणीको महसुस गराउनेमा ढुक्क छौँ । शिखा बुक्सका प्रोप्राइटर पुष्पराज पौडेलले बताए । पुस्तकहरु पाठकका हातहातमा पुगिसकेकाले निकै सकारात्मक प्रतिक्रियाहरु पनि आउन थालिसकेका छन्, हामी निकै उत्साहित छौँ ।’ पौडेल हौसिएका छन् ।

यससँगै केही दिनमा नै वरिष्ठ गीतकार स्व. रत्नशमशेर थापा को ‘घुम्तीमा नआऊ है’ र वरिष्ठ साहित्यकार पुस्कर लोहनीको उपन्यास ‘अदृश्य मान्छे’ का साथमा प्रमोद प्रधानको अनुसन्धनात्मक कृति ‘बालसाहित्यको इतिहास’ प्रेसमा जाने अन्तिम तयारीमा छन् ।