अखबार नेपाल ट्रेन्डिङ

काठमाडौ :गत बुधबारदेखि बन्द भएको श्रम स्वीकृति आजबाट शुरु भएको छ ।

कार्यालयमा कार्यरत एक कर्मचारीमा कोरोना सङ्क्रमण पुष्टि भएपछि गएको बुधबारदेखि श्रम स्वीकृतिसहित कार्यालयको सबै सेवा बन्द भएको थियो ।

त्यसले श्रमिकहरुलाई समस्या उत्पन्न हुने अवस्था देखिएपछि आजबाट श्रम स्वीकृतिको काम शुरु भएको वैदेशिक रोजगार कार्यालय ताहाचलले जनाएको छ ।

यसरी श्रमस्वीकृति रोकिएपछि भिसाको अवधि सकिन लागेका तथा तत्काल गन्तव्य देशमा पुग्न नसके रोजगारी गुमाउने अवस्था आएका श्रमिकको समस्यालाई ध्यानमा राखी आजबाट श्रम स्वीकृति र नयाँ श्रम स्वीकृति दिन थालिएको कार्यालयले जनाएको छ ।

कार्यालयमा जानेले भौतिक दूरीका साथै स्वास्थ्य सुरक्षाका उपायहरु अपनाउनु पर्नेछ । कार्यालयमा लगाइएको गोलो चिन्हमा रहेर मात्र सेवा लिन लाइनमा बस्ने र त्यसभन्दा अघि साबुनपानीले हात धुनुपर्ने बताईएको छ ।