अखबार नेपाल ट्रेन्डिङ

काठमाडौं: शुक्रबारदेखि रिलिज भएको चलचित्र ‘क्याप्टेन’ले शनिबार देशैभरका हलमा बम्पर व्यापार गरेको छ । समयदेखि चलचित्र क्षेत्रमा देखिएको व्यापारिक खडेरीलाई यो चलचित्रले तोडेको छ ।

शनिबार बिहानैदेखि काठमाण्डौका गोपिकृष्ण, अष्टनारायण, गंगा, गुण लगायतका हलमा दर्शकको चाप उच्च देखियो । काठमाण्डौ बाहिर पनि बिहानैदेखि दर्शक हलमा पुगेका थिए । चलचित्र ‘क्याप्टेन’ हेर्न दिवा शोमा काठमाण्डौको गोपिकृष्ण र अष्टनारायण हलमा दर्शकको चाप थामिनसक्नु थियो ।

यो भीड छक्का पन्जा-३ पछि देखिएको हो । दर्शक प्रतिक्रिया वुझ्दा यो चलचित्रले लामो समयसम्म स्पिड लिने देखिएको छ । चलचित्र ‘क्याप्टेन’ प्रदर्शनसँगै लामो समयपछि हलमा चहलपहल बढेको छ ।