अखबार नेपाल ट्रेन्डिङ

काठमाडौं: मातृभाषा सुनुवार तथा लोक आधुनिक गीत गाउँदै आएका गायक तथा संगीतकार महेश मुखियालाई नगद सहित यस वर्षको टेकबहादुर–विष्णुमाया सुनुवार स्मृति पुरस्कार प्रदान गरिएको छ ।

गायक मुखियाले सुनुवार समुदायको बाहुल्य रहेको रामेछाप जिल्लाको मुख्य चाड प्लेत्तिको शाँदार बुल्फे गरेदेखि ढोल झुण्डाउनेसम्मको तालहरुलाई संकलन र संयोजन गरि शाँदार सालाक कुम्सो बनाएको छन् । सात मिनेट लामो शाँदार सलाकमा ढोलझ्याम्टा, माचिङ्ग, क्योङ, पात मात्रै नभएर अन्य आवाज संयोजन गरी सुनुवार समुदायमा पुर्खौदेखि चलि आएको मौलिकतालाई उक्त गीतमा प्रस्तुत गरेका छन् ।

प्लेत्तिको शाँदरमा विशेगरी राँगा दोःचामा विहान चिबे चरा कराएपछि राँगा दोचा स्थागित गरि घर घरमा ढोले फर्किने चलन भएको हुँदा चिबे चराको आवाजलाई पनि प्रथामिकताका साथ यस गीतमा राखिएको गायक मुखियाले बताए ।

गायक मुखियाले टेकबहादुर–विष्णुमाया सुनुवार स्मृति पुरस्कार आफुलाई प्रदान गरिएकोमा विशेष धन्यवाद दिँदै आगमी दिनमा सुनुवार समुदायको लोपोन्मुख कला संस्कृतिलाई खोज अनुसन्धान गरी समुदायभित्र अझ गहिरिएर अनुसन्धान गर्न प्रोत्साहन मिलेको बताए । पुरस्कृत समारोहमा मुखियाले आफूलाई साथ सहयोग गर्ने सबैमा विशेष धन्यवाद दिए ।

[तस्बीरमा केही झलकहरु]