अखबार नेपाल ट्रेन्डिङ

काठमाडौं: जनआकाश राष्ट्रिय साप्ताहिकको १२औं बार्षिक उत्सव सम्पन्न भएको छ । जनआकाश मिडिया प्रा.लि.का अध्यक्ष मोहन कार्कीको सभापतित्वमा र पूर्व उपप्रधानमन्त्री तथा नेकपा–मालेका महासचिव सिपी मैनालीको प्रमुख आतिथ्यतामा कार्यक्रम सम्पन्न भएको हो ।

कार्यक्रममा विभिन्न क्षेत्रमा योगदान पुर्याउने ब्यक्तित्वहरुलाई सम्मान गरिएको थियो त्यस्तै पत्रकारलाई पनि मायाको चिनो प्रदान गरिएको थियो । कार्यक्रममा बोल्दै नेपाल पत्रकार महासंघ काठमाडौं शाखाका अध्यक्ष शान्तराम बिडारीले नेपालको पत्रकारितामा साप्ताहिक पत्रिका चलाएर पनि सामाजिक क्षेत्रमा योगदान पुर्याएका ब्यक्तित्वहरुलाई सम्मान गरेकोमा जनआकाशलाई धन्यवाद दिए ।

कार्यक्रममा बिशेष अतिथि प्रेस काउन्सिल नेपालका कार्यवाहक अध्यक्ष किशोर श्रष्ठले अनलाइन मिडियाले गरेका गतिबिधिको बारेमा सचेत हुँदै जानुपर्ने बताए । उनले अहिले ल्याउन खोजिएको मिडिया बिधेयकले मिडियालाई नियन्त्रण होइन नियमन गर्न खोजिएको प्रष्ट पारे ।

कार्यक्रममा दुई कृतिको पनि विमोचन गरिएको थियो भने विभिन्न मिडियामा आवद्ध प्रतिनिधिहरु, उद्योगी व्यवसायी, बिभिन्न संघ संस्थाका प्रतिनिधिहरुको माझमा राष्ट्र र समाजलाई योगदान पुर्याए वापतका ब्याक्तिहरुलाई सम्मान गरिएको थियो ।