अखबार नेपाल ट्रेन्डिङ

काठमाडौं: आदिवासी जनजाति चलचित्र महासंघको पाँचौ महाधिवेशनबाट पूर्खाजित राई सर्वसम्मत नयाँ अध्यक्षमा चयन भएका छन् ।

पाँचौं महाधिवेशनबाट राईसहित १० जना पदाधिकारीहरु सर्वसम्मत चयन भएका छन् । महासंघको कार्यसमितिमा चार जना उपाध्यक्षमा छिरिङ शेर्पा, भुइसाल लामा, हरिमाया गुरुङ र गुन्जा चौधरी रहेका छन् ।

त्यसैगरी महासचिवमा होमकुमारी माझी चयन भएकी छिन् भने सचिवमा अर्बिन विश्वास राजवंशी र गणेश थामी, कोषाध्यक्षमा विपना भुजेल, सह-कोषाध्यक्षमा सविता धिमाल सर्वसम्मतिमा चयन भएका छन् ।

राजधानीमा आयोजित आईतबार भएको महाधिवेशनबाट सर्वसम्मत अध्यक्षमा चयन भएसँगै अध्यक्ष राईले आदिवासी जनजाति चलचित्रकर्मीहरुको हक, अधिकारको लागि आफु अझ सशक्त ढङ्गले अघि बढ्ने बताए ।