अखबार नेपाल ट्रेन्डिङ

एजेन्सी: भारतीय प्रसिद्ध गायिका लता मंगेस्करको निधन भएको छ ।

उनको आइतबार बिहान मुम्बईको क्यान्डी अस्पतालमा निधन भएको भारतीय सञ्चारमाध्यमले जनाएका छन् ।

८ सेप्टेम्बर १९२८ मा जन्मिएकी उनले ९२ वर्षको उमेरमा आज विहान निधन भएको हो ।

कोभिड-१९ पोजेटिभ देखिएपछि उनलाई जनवरी ८ मा मुम्बईको ब्रीच क्यान्डी अस्पतालमा भर्ना गरिएको थियो ।

उनको विगत दुई सातादेखि सघन उपचार कक्ष (आईसीयू) मा उपचाररत थिइन् ।

पछिल्लो समय सुधारको लक्षण देखिएपछि उनको स्वास्थ्य अवस्था बिग्रँदै गएको थियो ।

सानैदेखि संगीत क्षेत्रमा प्रवेश गरेकी लताले ३६ भाषामा गीत गाएकी छन् ।

उनले ३० हजारभन्दा बढी गीत गाएकी छन् ।

उनले नेपाली गीतमा पनि स्वर भरेकी छन् ।

उनी भारत रत्न, पद्म भूषण, पद्म विभूषण, दादासाहेब फाल्के अवार्ड लगायतका विशिष्ट अवार्डबाट विभूषित भएकी थिइन् ।