अखबार नेपाल ट्रेन्डिङ

काठमाडौं: ‘यो दाजुको मिरमिरे आँखा’ का सर्जक तथा लोक गायक धनबहादुर गन्धर्वको उपचारको क्रममा पोखरास्थित मणिपाल अस्पताल निधन भएको छ ।

पोखरा–१६ बाटुलेचौरका गायक ‘यो दाजुको मिरमिरे आँखा’, ‘बेली र चमेली’ लगायत अजर–अमर गीतका सर्जक हुनुहुन्थ्यो ।

विसं २०२१ मा जन्मिएका गायक छाती र फोक्सोमा समस्या देखिएपछि मणिपाल मेडिकल कलेज शिक्षण अस्पतालमा सघन उपचार कक्षमा उपचारत थिए ।

गन्धर्व संस्कृतिलाई जगेर्ना गर्ने उद्देश्यका साथ गायकले पछिल्लो समय सारङ्गी संरक्षण पाठशाला समेत चलाउँदै गर्दै आएका थिए ।

गन्धर्व गायनका चर्चित गायक झलकमान गन्धर्वका भाञ्जा गायकले विसं २०६६ मा झलकमान गन्धर्व राष्ट्रिय लोकबाजा सारङ्गी संरक्षण पाठशालाको स्थापना गरेर गन्धर्व संस्कृति संरक्षणमा सक्रिय बनाएका थिए ।