अखबार नेपाल ट्रेन्डिङ

काठमाडौं: पछिल्लो समय साहित्यमा रुचि राख्ने युवा जमातको संख्या बढ्दै गएको छ । नेपाली नेपालीबीचको एकता भाइचारा र आफ्नो कला संस्कृतिको जगेर्ना गर्न पनि साहित्यिक रचनाले निकै प्रभाव पार्ने सोचका साथ धेरै युवापिंढि साहित्यिक संसारमा रमाउन थालेका छन् ।

ति मध्ये एक हुन् रौतहट गरुडा नगरपालिका-६ पोठियाही स्थायी निवासी युवा शिवकान्त प्रसाद यादव । सानै उमेरदेखि साहित्यमा रुचि राख्दै आएका यादव हाल सहरी विकास मन्त्रालय अन्तर्गत काठमाडौं उपत्यका विकास प्राधिकरण कार्यालयमा अमिन पदमा रही जागिरे जिवन बिताइरहेका छन् । प्रधिकरणको जागिर सँगसँगै यादवले आफ्नो साहित्यिक यात्रालाई पनि निरन्तरता दिइरहेका छन् ।

नेपाली, बञ्जिका, भोजपुरी, मैथली, अंग्रजी र हिन्दी भाषामा राम्रो दख्खल राखेका यादव उपत्यका विकास प्राधिकरणका कर्मचारी भएको नाताले उपत्यकामा विस्ताररित घना बस्ती र आवश्वक सडक सञ्जाललाई कसरी सहजीरण गराउन सकिन्छ भन्ने बिषयमा पनि ज्ञान हाँसिल गर्दै आएका छन् ।

शिवकान्तले बेटी अथवा छोरीचेलीलाई उत्साह प्रदान गर्न र अभिभावकलाई सजग गराउँदै बेटी नामक कविता संग्रह बजारमा ल्याएका छन् भने घरजग्गा खरिदबिक्री पुस्तक पनि प्रकाशित गराइसकेका छन् । त्यस्तै तराइ मुलको परिचय बोकेको पुस्तक रौतहट जिल्लाको परिचय र घर जग्गा खरिद बिक्रि भाग-२ प्रकाशनको तयारीमा रहेका छन् ।