अखबार नेपाल ट्रेन्डिङ

एजेन्सी: थाई नरेश महा वजिरलङ्कोर्णले पूर्व प्रधानमन्त्री थाक्सिन सिनावात्रालाई दिइएको राजकीय सम्मान फिर्ता गर्ने घोषणा गरेका छन् । शनिबार थाइल्याण्डको राजपत्रमा प्रकाशित दस्तावेजमा नरेश महा वजिरलङ्कोर्णले सिनावात्रालाई दिइएको राजकीय सम्मान र पदवीहरु फिर्ता गर्ने घोषणा गरेका हुन् ।

हाल सत्तामा रहेको सैनिक सरकार समर्थित दलसँग सिनावात्राको समर्थनमा रहेको राजनीतिक दलले आम निर्वाचनमा प्रतिस्पर्धा गरेको एक साता नबित्दै नरेश महा वजिरलङ्कोर्णले थाक्सिनलाई दिइएको राजकीय पदवी र सम्मान फिर्ता गर्ने घोषणा गरेका हुन् ।

सन् २००८ मा सिनावात्राविरुद्ध भ्रष्टाचार अभियोगमा अदालतले फैसला सुनाएको र उनले मुलुक छाडेर गैर जिम्मेवार काम गरेकाले राजाले उनलाई दिइएको सम्मान फिर्ता गर्नुपरेको राजपत्रमा प्रकाशित दस्तावेजमा उल्लेख छ ।