अखबार नेपाल ट्रेन्डिङ

काठमाडौं: किवि फलबाट बनेको प्रिन्सेस वाईन नेपाली बजारमा आएको छ ।

राजधानीमा आयोजित एक कार्यक्रमको आयोजना गरी एभरेष्ट वाइनरी प्रा.लि.ले उत्पादन गरेको किवि फलबाट उत्पादित प्रिन्सेस वाईन नेपाली बजार ल्याएको कम्पनीका अध्यक्ष विष्णु बास्तोलाले जानकारी दिए ।

बास्तोलाले मदिरा माहासंघका अध्यक्ष सोनाम शेर्पालाई प्रिन्सेस वाइन बजारमा आएको जानकारी गराई कार्यक्रममा मदिरा माहासंघको भवन निर्माणका लागि अध्यक्ष बास्तोलाले १ लाख ११ हजार १ सय ११ रुपैयाँको चेक माहासंघका अध्यक्ष शेर्पालाई हस्तान्तरण गरे ।

कार्यक्रममा मदिरा माहासंघमा आवद्ध बिभिन्न ब्याक्तित्व र डिलर मार्केटिङ व्यवस्थापकहरुलाई एक साथ भेला गरी विशेष छलफल गर्नुका साथै प्रेन्सेस वाइन टेस्ट र रात्री भोजको पनि आयोजना गरिएको थियो ।

किबि फलबाट उत्पादित वाइन सबै नेपाली बजारहरुमा बिक्री वितरण भइरहेको र वाईन पारखीहरुको रोजाईमा पर्ने बास्तोलाले विश्वास व्यक्त गरे । किवि फलहरुको राजा भनेर चिनिने फल भएको कारणले पनि नेपाली बजारमा यसको लोकप्रियता बढ्ने बताए ।

नेपालभरि फलेको किवि जम्मा गरेर नेपालमा नै पहिलो उत्पादन गरिएको भनेर चिनिने प्रिन्सेस वाइन अब चाँडै बिदेशी बजारहरुमा पनि लैजाने तयारी भइईरहेको कम्पनीका अध्यक्ष बास्तोलाले जानकारी दिए ।