अखबार नेपाल ट्रेन्डिङ

काठमाडौं: महालक्ष्मी विकास बैंकले १० लाख कित्ता ऋणपत्र ल्याउने भएको छ ।

हजार रुपैयाँ अंकित मूल्य भएको एक अर्ब रुपैयाँ बराबरको १० वर्षे अवधिको ऋणपत्र ल्याउन बैंकले बिक्री प्रबन्धक समेत नियुक्त गरेको छ ।

बैंकले सोमबार ऋणपत्र निष्कासनका लागि एनआईसी एसिया क्यापिटलसँग सम्झौता गरेको छ ।

बैंकले ६० करोड रुपैयाँ बराबरको प्राइभेट प्लेसमेन्ट र ४० करोड रुपैयाँ बराबरको ऋणपत्र सर्वसाधारणलाई बेच्ने जनाएको छ। बैंकका १ सय ३ वटा शाखा छन् भने ६ लाख ग्राहक छन् ।