अखबार नेपाल ट्रेन्डिङ

काठमाडौं: आइएमई लाइफ इन्स्योरेन्स कम्पनीले आर्थिक वर्ष २०७६/७७ का लागि नयाँ बोनस दर जारी गरेको छ ।

आर्थिक वर्ष २०७७/७८ को आर्थिक लेखाजोखा र दायित्वको मूल्यांकन सम्बन्धि बीमांकीय प्रतिवेदन बीमा समितिबाट स्वीकृत भएपछि २०७७ असारसम्ममा जारी भएका मुनाफामा सरिक हुने  बीमालेखहरुमा बोनस दर कायम गरेको कम्पनीले जनाएको छ ।

कम्पनीले जारी  गरेको नयाँ बोनस दर बीमितले प्रति हजार २० देखि ७० रुपैयाँसम्म पाउने छन् । जसमा सावधिक जीवन बीमालेख अन्तर्गत ९ वर्ष अवधिका लागि ३० रुपैयाँ बोनस दर तोकिएको छ । १० देखि १४ वर्ष ३० रुपैयाँ छ ।

१५ देखि १९ वर्षेलाई ३५ रुपैयाँ र २० देखि २४ वर्षको अवधिलाई ४८ रुपैयाँ बोनस दर छ । २५  वा सो भन्दा माथिको अवधिलाई ७० रुपैयाँ तोकिएको छ । त्यस्तै सावधिक र  अग्रिम भुक्तानी तथा आजीवन बीमालेखको बोनस दर बराबर छ ।

अग्रिम भुक्तानी सावधिक जीवन बीमालेख अन्तर्गत १० देखि १४ वर्ष अवधिका लागि ३० रुपैयाँ बोनस दर छ । १५ देखि १९ वर्षको लागि ३५ रुपैयाँ २० देखि २४ वर्षेलाई ४८ रुपैयाँ छ । २५ वर्ष वा सो भन्दा माथिको अवधिका लागि ७० रुपैयाँ बोनस दर  तोकेको कम्पनीले जनाएको छ ।

कम्पनीको वार्षिक अग्रिम भुक्तानी सावधिक धन सरिता जीवन बीमालेखमा सम्पूर्ण बीमा अवधिका लागि २० रुपैयाँ बोनस दर कायम गरेको छ ।

उल्लेखित अवधिका लागि उपरोक्त अनुसारको बोनस दर मुत्यु दाबी पूर्ण वा आंशिक अवधि भुक्तानी दाबी समर्पण मूल्य, चुक्ता मूल्य तथा चालु बीमालेखमा समेत लागु हुने र कम्पनीको आगामी बीमांकीय मूल्यांकन नभएसम्मका लागि अन्तरिम बोनस दरको रुपमा उपरोक्त बमोजिम कायम गरिएको कम्पनीले जनाएको छ ।