अखबार नेपाल ट्रेन्डिङ

काठमाडौं: नेपाल इन्फ्रास्ट्रक्चर बैंक लिमिटेडले चालू आर्थिक वर्षको दोस्रो त्रैमाससम्म ४४ करोड २६ लाख ४८ हजार रुपैयाँ खुद नाफा कमाएको छ ।

आज सार्वजनिक गरेको बैंकको सो अवधिसम्मको वित्तीय विवरण अनुसार गत वर्षभन्दा यस वर्ष यो नाफा २५.६६% बृद्धि भएको हो ।

गत वर्ष यस अवधिसम्म बैंकले ३५ करोड २२ लाख ५५ हजार रुपैयाँ यो नाफा गरेको थियो ।

यस वर्ष बैंकको वितरण योग्य नाफा पनि २६.३०% बृद्धि भएको छ ।

गत वर्ष २७ करोड ६० लाख ४८ हजार रुपैयाँ  रहेको वितरणयोग्य नाफा यस वर्ष ३४ करोड ८६ लाख ४४ हजार रुपैयाँ कायम भएको हो ।

बैंकको सञ्चालन नाफा यस वर्ष साढे २५% बढेको छ ।

गत वर्ष रू. ५० करोड ३६ लाख ३ हजार रहेको सञ्चालन नाफा यस वर्ष रू. ६३ करोड २३ लाख ५४ हजार पुगेको हो ।

हाल बैंकको चुक्तापूँजी रू. २० अर्ब रहेको छ ।

जगेडा कोष रकम गत वर्षभन्दा ४६.४२% बृद्धि भई रू. २ अर्ब ८४ करोड ४४ लाख ६ हजार पुगेको छ ।

बैंकले यस वर्ष रू. ३३ करोड ७७ लाख ४९ हजार निक्षेप संलकन गरेको छ भने रू. ७८ करोड कर्जा सापटी लिएको छ ।

दोस्रो त्रैमाससम्म रू. ४.४३ प्रतिशेयर आम्दानी रहेको बैंकको प्रतिशेयर नेटवर्थ रू. ११४.२२ रहेको छ ।