केशरमहलबाट दुई वटा तरबार र बाघको टाउको चोरी
वि.सं.२०७८ माघ ६ बिहीवार १४:२३
काठमाडौं: लैनचौरस्थित केशरमहलबाट दुईवटा तरबार र बाघको टाउको चोरी भएको खुलेको छ ।
चोरीमा संलग्नको आरोपमा प्रहरीले त्यहाँ कार्यरत चारजना कर्मचारी पक्राउ गरेको छ ।
गत पुस १८ मा नै ती सामान चोरी भएकोमा माघ २ मा मात्र खुलेको थियो ।
महानगरीय अपराध अनुसन्धानको टोलीले दरबारमार्गबाट चोरीमा संलग्न चार जनालाई आज पक्राउ गरेको छ ।
सामानको खोजी हुन थालेपछि उनीहरूले बाथरुम छेउमा लगेर राखेको बताइएको छ ।
केशरमहल काठमाडौंमा अवस्थित एक प्राचीन कलात्मक भवन हो ।
केशर शमसेर राणाले निर्माण गरेको यो भवन २०२१ सालमा नेपाल सरकारलाई हस्तान्तरण गरिएको थियो ।
वि.सं.२०७८ माघ ६ बिहीवार १४:२३