अखबार नेपाल ट्रेन्डिङ

काठमाडौं: खराब मौसमका कारण आन्तरिक हवाई उडानहरु प्रभावित भएका छन् ।

बिहानैदेखि बाक्लो हुस्सु लागेको र हिमपातका कारण तराई क्षेत्रका तीन वटा र हिमाली क्षेत्रका पाँच वटा विमानस्थल खुल्न सकेका छैनन् ।

त्रिभुवन विमानस्थलका अनुसार विराटनगर विमानस्थल, भरतपुर विमानस्थल र भैरहवा विमानस्थल खराब मौसमकै कारण अहिलेसम्म खुल्न सकेका छैनन् ।

यस्तै लुक्ला, फाप्लु, सिमीकोट, डोल्पा र रारामा भन हिमपातका कारण उडानहरु प्रभावित भएका छन् ।

यी क्षेत्रहरुको भिजिविलिटी एक हजार मिटरभन्दा कम रहेकाले उडानमा समस्या आएको विमानस्थलको भनाइ छ ।

उडान सुचारु हुन कम्तिमा पनि १६०० देखि २००० मिटर सम्मको भिजिबिलिटी आवश्यक पर्छ ।