अखबार नेपाल ट्रेन्डिङ

काठमाडौं:  नेपाल राष्ट्र बैंकले बैंक तथा वित्तय संस्थाहरुका लागि सोमबार नयाँ निर्देशन जारी गरेको छ । बैंकले निषेधाज्ञा थपिएको बेला स्वास्थ्य सुरक्षा मापदण्ड पालना गरेर आवश्यकता अनुसार बैंक तथा वित्तीय संस्था खोल्न निर्देशन दिएको हो ।

नेपाल राष्ट्र बैंकले बन्द भएका शाखाको सटरमा वा वेबसाइट र सामाजिक सञ्जालमा खुला भएको शाखाको स्पष्ट जानकारी दिने गरी सूचना दिन निर्देशन दिइएको छ । नजिक नजिकै रहेका दुई वा दुईभन्दा धेरै शाखा खोल्नुको साटो एउटै शाखाबाट सेवा दिन जारी गरेको निर्देशनमा भनिएको छ ।

सेवाग्राहीलाई पनि सकभर विद्युतीय माध्यमबाट कारोबारमा प्रोत्साहित गर्न राष्ट्र बैंकले निर्देशन दिएको छ । केन्द्रीय कार्यालयको हकमा एक तिहाइ र शाखा कार्यालयमा न्यूनतम कर्मचारी राख्न राष्ट्र बैंकले भनेको छ ।

बैंक तथा वित्तीय संस्थाले आफ्नो व्यावसायिक निरन्तरतालाई उच्च प्राथमिकतामा राखेर सकभर घरबाटै काम गर्न र कार्यालयमा पनि न्यूनतम कर्मचारी राखेर सेवा दिन राष्ट्र बैंकले निर्देशन दिएको छ ।

यो पनि पढ्नुहोस् :

एभरेष्ट बैंक लिमिटेडले नागरिक केयर सेन्टरलाई आर्थिक सहयोग