काठमाडौं:  नेपाल बंगलादेश बैंक र नेपाल सुनचाँदी ब्यवसायी महासंघ बिच बैंकिंग साझेदारी सम्झौता भएको छ ।

नेपाल बंगलादेश बैंक लिमिटेडको सहायक महाप्रबन्धक सलोनिका सिंह तथा नेपाल सुनचाँदी ब्यवसायी महासंघका अध्यक्ष माणिक रत्न शाक्यले हस्ताक्षर गर्नु भएको छ ।

उक्त सम्झौता अनुसार महासंघसँग आवद्व सुन ब्यबसायीहरुले नेपाल बंगलादेश बैंक लिमिटेडका नेपालभरिका शाखाहरुबाट बिभिन्न बैंकिंग सुबिधाहरु प्राप्त गर्न सक्नेछन् ।

नेपाल राष्ट्र बैंकको नगद रहित कारोवारलाई प्रवद्र्धन गर्ने नीतिलाई सफल बनाउने उद्देश्यले सुनचाँदी पसलहरुमा खरीदकर्ताहरुले नेपाल बंगलादेश बैंकको क्यूआर कोड मार्फत भुक्तानी गर्न सक्नेछन् ।

साथै नेपाल भरका महासंघसंग आवद्व महिला तथा दलित समुदाय द्वारा संचालित सुनचाँदी ब्यवसायीहरुले नेपाल बंगलादेश बैंक लिमिटेडबाट सहुलियतपूर्ण “महिला उद्यमशील कर्जा” तथा “दलित समुदाय ब्यवसाय विकास कर्जा” पनि प्राप्त गर्न सक्नेछन् ।

नेपाल बंगलादेश बैंकले ९९ शाखा, ७ एक्सटेन्सन काउन्टर, तथा ८१ वटा एटीएमबाट बैंकिंग सुविधा दिंदै आएको छ ।

यो पनि पढ्नुहोस् :

ग्लोबल आइएमई बैंक ७६ जिल्लामा बिस्तार