अखबार नेपाल ट्रेन्डिङ

काठमाडौं:  बैंक अफ काठमाण्डू लिमिटेडले आफ्नो स्वामित्वमा रहेको आरएमडिसी लघुवित्त र छिमेक लघुवित्तको संस्थापक शेयर विक्री पश्चात बाँडफाँट गरेको छ । बैंकले चैत १० गते बाँडफाँट गरेको हो ।

बैंकले माघ २७ गतेदेखि चैत ३ गतेसम्म यी दुई कम्पनीको संस्थापक शेयर लिलामी प्रकृयाबाट विक्री खुला गरी बाँडफाँट गरेको हो । आरएमडिसी लघुवित्तको १ लाख ५० हजार कित्ता र छिमेक लघुवित्तको ७ लाख कित्ता शेयर बैंकले लिलामी प्रकृयाबाट विक्री खुला गरेको थियो ।

बैंकले तोकिएको अवधिभित्र रितपूर्वक आवेदन दिने आवेदकहरुमध्य बढी रकम अंकित गर्नेलाई छिमेक लघुवित्तको ९४ हजार ११० कित्ता र आरएमडिसी लघुवित्तको ५२० कित्ता शेयर बाँडफाँट गरेको जनाएको छ ।

आरएमडिसी लघुवित्तको संस्थापक समूहमा रितपूर्वक आवेदन दिने आवेदकहरुलाई प्रशोधन गर्दा बढी रकम अर्थात रू. ५५० सम्म बोलकबोल गर्ने र छिमेक लघुवित्तको प्रतिकित्ता रू. ६०१ दशमलव ७५ देखि ८५१ मूल्यसम्म बोलकबोल गर्ने आवेदनहरुमा माग बमोजिम शेयर बाँडफाँट गरिएको बैंकले सुचना मार्फत जानकारी दिएको छ ।

बैंकले आरएमडिसी लघुवित्तको शेयरको हकमा प्रतिकित्ता रू. ५२० र छिमेक लघुवित्तको हकमा प्रतिकित्ता रू. ६०० तोकेर विक्री खुला गरेको थियो । बाँडफाँटमा नपरेको रकम बैंकले चैत १२ गतेदेखि आवेदकहरुले उल्लेख गरेको बैंक खातामै फिर्ता भुक्तानी गरिने जनाएको छ ।

यो शेयर विक्री प्रबन्धकमा बिओके क्यापिटल मार्केट लिमिटेड रहेको छ ।

यो पनि पढ्नुहोस् :

नेपाल बंगलादेश बैंक र नेपाल सुनचाँदी ब्यवसायीबिच साझेदारी