नबिल बैंकले व्यक्तिगत मुद्दति खाताको ब्याजदर ७.५१ प्रतिशत
वि.सं.२०७७ चैत ५ बिहीवार १७:५४
काठमाडौं: नबिल बैंकले व्यक्तिगत मुद्दति खाताको ब्याजदरलाई बढाएर ७.५१ प्रतिशत प्रकासित गरेको छ । नयाँ व्याजदर ६ महिना भन्दा माथिको ब्यक्तिगत मुद्दती खाताहरुमा लागू हुने बैंकले जनाएको छ ।
बैंकले ब्यक्तिगत मुद्दति खातामा सर्वाधिक र प्रतिस्पर्धात्मक ब्याजदर प्रदान गर्ने क्रमलाई निरन्तरता दिदै व्याजदर घोषणा गरेको जनाएको छ ।
नयाँ व्याजदरले धेरै नेपालीहरूको मुहारमा मुस्कान ल्याउने बैंकले जनाएको छ । मुलुकको विश्वासिलो बैंक, नबिल बैंकले व्यक्तिगत मुद्दती खातामा अत्यन्त आकर्षक योजना शुरू गरेको बैंकले जारी गरेको विज्ञप्तीमा उल्लेख गरिएको छ ।
नेपालीहरूको मिहिनेतले कमाएको रकम राखिने व्यक्तिगत मुद्दती खाताहरूमा उच्च ब्याज दर प्रदान गर्ने हुनाले यस योजनाले आर्थिक कठिनाइ कम गर्न मद्दत पुर्याउँछन् भन्ने बैंकले आशा गरेको छ ।
सन् १९८४ मा स्थापित नबिल बैंकका ११९ शाखा, १८५ एटिएम र १,५०० भन्दा बढी नबिल रेमिट एजेन्टहरु मार्फत सेवा प्रदान गर्दै आएको छ ।
यो पनि पढ्नुहोस् :
नेपाल बैंकले चाँगुनारायणका युवाहरुलाई बिना व्याज ऋण दिने
वि.सं.२०७७ चैत ५ बिहीवार १७:५४