अखबार नेपाल ट्रेन्डिङ

काठमाडौं: बीमा कम्पनीहरूले २१ हजार ५ सय जनालाई कोरोना बीमाको दाबी भुक्तानी गरेका छन् ।

अहिलेसम्म दाबी भुक्तानीका लागि निवेदन दिनेमध्ये १६० जना संक्रमितले भने भुक्तानी नपाउने भएका छन् ।

कोरोना बीमा मापदण्ड अनुसार कागजपत्र पुरा नभएकाले भुक्तानी नपाउने भएका हुन् बीमितले पेश गरेको फाइल पुरा नभएकाले समितिले २५ सय वटा फाइल बिमा कम्पनीहरूलाई नै फिर्ता पठाएको छ ।

कोरोना बीमा गराएका निर्जीवन कम्पनीहरूमा अहिलेसम्म ४१ हजार जनाले कोरोना बीमाको दाबीका लागि आवश्यक काजगपत्र बुझाएका छन् । अझै २० हजार जनाभन्दा धेरैले दाबी भुक्तानी पाउन बाँकी रहेको छ ।

समितिका अनुसार तीन हजार सात सय जनाको दाबी भुक्तानी अन्तिम चरणमा पुगेको छ । ७ हजार २ सय ५४ जनाको कोरोना परीक्षणको रिपोर्ट पुनः परीक्षणको लागि पठाइएको छ ।

अहिलेसम्मको दाबी भुक्तानी कोरोना बिमाको पुलबाट भइरहेको छ । साढे तीन अर्ब रुपैयाँभन्दा माथिको दाबी भुक्तानी भने नेपाल सरकारले बेहोर्ने छ ।

पाइपलाइनमा भएका बीमितको दाबी भुक्तानी हुँदा पनि नेपाल सरकारको भागमा एक अर्ब भन्दामाथि पर्नेछ ।