अखबार नेपाल ट्रेन्डिङ

काठमाडौं: मैत्रीय बचत तथा ऋण सहकारी संस्थाको १३औं वार्षिक साधारणसभा सम्पन्न भएको छ ।

भक्तपुर बचत तथा ऋण सहकारी संघका निवर्तमान अध्यक्ष राधेश्याम सुवालको प्रमुख आतित्थ्यमा सम्पन्न भएको हो ।

सभाको उद्घाटन गर्दै प्रमुख अतिथि सुवालले सरकारीहरू सरकारको नीति–नियमअनुसार चली आवश्यक वास्तविक बचतकर्ताहरूलाई मद्दत गर्नुपर्ने कुरामा जोड दिए ।

मैत्रीय सहकारीका अध्यक्ष एवं सभाका सभापति बालमुकुन्द उपाध्यायले सहकारी अभियानले छरिएर रहेका पुँजी, श्रम र सीपलाई एकीकृत गर्दै गरिवी न्युनीकरण गर्दै समग्र आर्थिक र सामाजिक विकासमा महत्वपूर्ण योगदान पुर्याएको बताए ।

संस्थाका सचिव सुमन सिलवालले सहकारी संस्थाको बार्षिक प्रतिवेदन पेश गर्दै सदस्यहरूलाई उत्पादनशील र व्यवसायिक बनाउन संस्थाले सहयोग गर्दै आएको बताए ।

त्यस्तै, सहकारी संस्थाको आ.व. ०७६/७७ को आर्थिक प्रतिवेदन र ०७७/७८ को कार्ययोजना पेश गर्दै कोषाध्यक्ष दिवाकर सिलवालले सहकारीले अझै सदस्यहरूको आर्थिक समृद्धिका लागि सहयोग गर्न सक्ने बताए ।

सभामा समाजसेवी तथा सहकारीका सल्लाहकार उद्धव सिलवाल, बालकोट सहकारी संस्थाका प्रतिनिधि जयराज पौडेल, नेपाल रेडक्रस सोसाइटी बालकोट उपशाखाका सभापति चन्द्र श्रेष्ठ लगायतले सभाको सफलताको शुभकामना दिएका थिए ।

मैत्रीय सहकारीले गत आर्थिक वर्षमा करिव २१ करोड बचत संकलन गरी १८ करोड ऋण लगानी गरेको र हालसम्म सहकारीमा २ हजार ६ सय सदस्य रहेको सञ्चालक नवीन उप्रेतीले जानकारी दिए ।