अखबार नेपाल ट्रेन्डिङ

काठमाडौं: माछापुच्छ्रे बैंकले फोर्स मोटर्सको गाडी किन्न ७५ प्रतिशतसम्म फाइनान्स सुविधा दिने भएको छ । माछापुच्छ्रे बैंक र फोर्स मोटर्सको लागि नेपालको आधिकारिक बिक्रेता हिमालय अर्गनाइजेसन अन्तर्गतको आयाम इन्टरकन्टिनेन्टल प्रा.लि. बिच सहकार्य गर्ने सम्झौता भएको छ ।

माछापुच्छ्रे बैंकका गण्डकी प्रदेश प्रमुख दीनेश दवाडी र आयाम इन्टरकन्टिनेन्टल प्रा.लि. का अध्यक्ष ध्रुवबहादुर थापाले बिहीबार एक कार्यक्रमबीच सम्झौता पत्रमा र हस्ताक्षरण गर्नु भएको छ ।

आयामले बिगत ६ वर्षदेखि काठमाडौं, हेटौंडा, पोखरा र इटहरिमा आफ्नै शोरुमका साथै विभिन्न शहरमा डिलर नेटवर्क विस्तार गरी नेपालमा फोर्स मोटर्सका गाडीहरु वितरण गरिरहेको छ ।

बैंकले फोर्स मोटर्सका गाडी खरिद गर्ने ग्राहकलाई देशभरका शाखाबाट सहज रुपमा ७५ प्रतिशतसम्म फाइनान्स सुविधा उपलब्ध गराउने बैंकका प्रदेश प्रमुख दिनेश दवाडीले बताउनु भयो । बैंकसँगको सम्झौताले ग्राहकलाई थप सुविधा उपलब्ध हुने हिमालय अर्गनाइजेसन र आयाम इन्टरकन्टिनेन्टलका अध्यक्ष ध्रुव थापाले बताउनु भयो ।

हिमालय अर्गनाइजेसन पोखराको प्रतिष्ठित व्यावसायिक घराना भएकाले अन्य व्यावसायिक क्षेत्रमा पनि सहकार्य गर्न सकिने साथै धेरै सिट क्षमता, इन्जिनको वारेन्टी ३ वर्ष वा ३ लाख किमी, मर्सिडिज इन्जिनको लाइसेन्स प्राप्त लगायतका विशेषताले फोर्स मोटर्सप्रति ग्राहकको आकर्षण बढेको निर्देशक निरन केसीले बताउनु भयो।