सानिमा जनरल इन्सुरेन्सको आइपीओ आजबाट खुला
वि.सं.२०७७ असोज २१ बुधवार ०७:५०
काठमाडौं : सानिमा जनरल इन्सुरेन्सले आज बुधबार असोज २१ बट आइपीओ खुल्ला गर्ने भएको छ । यस कम्पनीले १ कित्ताको सय रुपैयाँ अंकति मूल्यमा ३० करोड बराबरको ३० लाख कित्ता आइपीओ विक्रिमा ल्याएको हो । कुल ३० लाख कित्ता मध्ये ४ प्रतिशत (१ लाख २० कित्ता) कम्पनीका कर्मचारीको लागि छुट्याएको छ भने ५ प्रतिशत (१ लाख ५० हजार कित्ता) म्युचुअल फण्डहरुका लागि राखिएको छ । बाँकी २७ लाख ३० हजार कित्ता सर्वसाधरणको लागि खुल्ला गरिएको छ ।
यस कम्पनीको आइपीओ मा असोज २५ गते सम्म आवेदन दिन सकिने छ । दिएको उक्त समयभित्र आईपीओ त्रिक्री नभएमा कात्तिक ६ गते सम्म विक्री खुल्ला रहनेछ । यो कम्पनीको आइपीओलाई केयर रेटिङ नेपालले मध्य अवस्थाको (औसत जोखीम जनाउने) केयर एनपीबीबी प्लस रेटिङ प्रदान गरेको छ । हालसम्म यस कम्पनीको चुक्ता पुँजी ७० करोड रहेको छ भने आइपीओ पछि यसको चुक्ता पुँजी १ अर्ब पुग्नेछ । यसमा विक्री प्रबन्धकको काम एनआइसी एसिया क्यापिटलले गरेको छ । यसमा इच्छुक लगानीकर्ताले आस्वा सेवा प्राप्त बैंक तथा वित्तिय संस्थाहरुका साथै मेरो शेयरमार्फत आवेदन दिन सक्नेछन् । लगानीकर्ताले न्यूनतम १० कित्ता देखि अधिकतम १०० कित्तासम्मका लागि आवेदन दिन सक्नेछन् ।
वि.सं.२०७७ असोज २१ बुधवार ०७:५०