कामना सेवा विकास बैंक र अजिरा विल्डर्सबीच व्यावसायिक सम्झौता
वि.सं.२०७७ असोज १४ बुधवार १६:११
काठमाडौं: कामना सेवा विकास बैंक लिमिटेड र अजिरा विल्डर्स एण्ड कन्ट्रयाक्टर्स प्रा.लि. बीच व्यावसायिक सहकार्य गर्ने सम्बन्धी सम्झौता भएको छ ।समझदारी पत्रमा कामना सेवा विकास बैकको तर्फबाट प्रमुख कार्यकारी अधिकृत प्रविण बस्नेत र अजिराका तर्फबाट प्रबन्ध निर्देशक अनुप ढुङ्गानाले हस्ताक्षर गर्नु भएको छ ।
उक्त सम्झौतापछि बैंक तथा नेपाल राष्ट्र बैंकबाट जारी निर्देशनहरुको पलना गरी अजिरा विल्डर्स एण्ड कन्ट्रयाक्टर्सबाट सिफारिस भइ आएका ग्राहकहरुलाई बैंकले सरल तरिकाबाट आफ्ना १२४ वटै शाखाबाट घर कर्र्र्जा प्रदान गर्नेछ । यसबाट ‘आफ्नै व्यक्तिगत घर होस’ भन्ने ग्राहक महानुभावहरुको अभिलासा पुरा गर्न सहज हुने कुरामा विश्स्त रहेको बैंकका प्रमुख कार्यकारी अधिकृत प्रविण बस्नेतले बताउनु भयो ।
कामना सेवा विकास बैंकले देशका विभिन्न भागहरुमा १२४ वटा शाखा तथा ६६ वटा एटिएम मार्फत ग्राहकहरुलाई आफनो सेवा तथा सुविधाहरु प्रदान गर्दै आएको छ । साथै बैंकले एबीबीएस, एसएमएस बैंकिङ, मोबाईल बैंकिङ, इनटरनेट बैंकिङ, अनलाइन अकाउन्ट ओपनिङ, सी—एएसबीए र सामाजिक मिडिया बैंकङि लगायतका माध्यमबाट सम्पूर्ण बैंकिङ्ग सेवा सुविधाहरु उपलब्ध गराउँदै आएको छ ।
बैंकले कोभिड–१९ को प्रभावले कार्यालयमा नै उपस्थित भई सेवा लिन असहज भएका ग्राहकहरुलाई घरमै बसी अनलाइन मार्फत कर्जा आवेदन गर्ने, खाता खोल्ने लगाययतका सेवाहरु लिन सक्ने व्यवस्था गरेको छ ।
वि.सं.२०७७ असोज १४ बुधवार १६:११