अखबार नेपाल ट्रेन्डिङ

काठमाडौं: ग्लोबल आइएमई क्यापिटल लिमिटेडको असोज ९ गते शुक्रबार बसेको सञ्चालक समितिको बैठकले तेर्हौै वार्षिक साधारण सभा कार्तिक ३ गते, सोमबार गर्ने निर्णय गरेको छ ।

ग्लोबल आइएमई क्यापिटलको वार्षिक साधारण सभा कार्तिक ३ गते, सोमबार कम्पनीको रजिष्टर्ड कार्यालय जमल, काठमाडौंमा बिहान ९ बजेबाट सुरू हुने जनाएको छ ।

सभामा सञ्चालक समितिले प्रस्ताव गरे बमोजिम आर्थिक वर्ष २०७६/७७ को मुनाफाबाट चुक्ता पूँजीको ६।५ प्रतिशतका दरले नगद लाभांश वितरण गर्ने विशेष प्रस्ताव पारित गर्ने एजेण्डा रहेको छ ।

त्यस्तै, सभामा कम्पनीको सञ्चालक समितिको तर्फबाट अध्यक्षद्वारा आर्थिक वर्ष २०७६/७७ को वार्षिक प्रतिवेदनबारे छलफल गरी पारित गरिनेछ । कम्पनीको आर्थिक वर्ष २०७६/७७ को लेखापरीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरू छलफल गरी पारित गरिनेछ ।

सभामा आर्थिक वर्ष २०७७/७८ को लागि लेखापरीक्षक नियुक्ती गरी पारिश्रमिक समेत तोकिने एजेण्डा रहेको कम्पनीले जनाएको छ ।