अखबार नेपाल ट्रेन्डिङ

काठमाडौं: एनआईसी एशिया बैंकले कोरोनाबाट आफ्ना ऋणीहरूमा परेको असर न्यूनीकरण गर्न २०७७ आश्विन मसान्तसम्मको साँवा तथा ब्याज रकम सोही मसान्तभित्र चुक्ता भुक्तान गरेमा साविकको ब्याजदरलाई घटाई १ कात्र्तिक २०७७ देखि लागू हुनेगरी ८.९९ प्रतिशत ब्याजदर कायम गर्ने योजना ल्याएको सर्वविदितै छ ।

कोरोना महामारिका कारण ग्राहक महानुभावहरूमा परेको आर्थिक भारलाई कम गर्ने हेतुले बैंकले ल्याएको यस योजनामा सहभागी हुन २३ दिन बाँकी रहेको हुँदा सम्पूर्ण योग्य ऋणीहरूलाई समयमै मौकाको फाइदा उठाउनु हुन बैंकले आह्वान गरेको छ ।

बैंकबाट मासिक तथा त्रयमासिक किस्ताबन्दी कर्जाहरूका साथै चालूपुँजी कर्जा तथा अन्य रिभल्विङ प्रकृतिका कर्जाहरू लगायत बैंकबाट प्रवाह भएका कुनै पनि कर्जाहरू उपभोग गर्नुभएका सम्पूर्ण योग्य ग्राहक महानुभावहरूले यस योजनामा सहभागी भई लाभ उठाउन सक्ने बैंकले जनाएको छ ।

यस असाधारण समयमा बैंकले राष्ट्रिय अर्थतन्त्रको बृहत्तर हित रक्षाको निमित्त आफ्नै प्रयासबाट ऋणीहरूका लागि कर्जामा आकर्षक छुटको योजना ल्याएको हो । उक्त योजनाबाट आम ग्राहक महानुभावहरूको आवश्यकतालाई परिपूर्ति गर्न सफल हुने बैंकले विश्वास लिएको छ ।