अखबार नेपाल ट्रेन्डिङ

काठमाडौं: नेपाल बैंक लिमिटेड र भक्तपुर चाँगुनारायण नगरपालिका बिच उक्त नगरपालिकाद्वारा संचालन गर्न लागिएका बिभिन्न कार्यक्रम तथा अभियानमा सहकार्य गर्ने सम्झौता भएको छ ।

नगरपालिकाले संचालन गर्नलागेको “वचतखाता छोरीको, सुरक्षाजीवन भरीको”कार्यक्रम अन्र्तगत नगरपालिका भित्रका सामुदायिक विद्यालयहरुमा अध्ययनरत छोरीहरुको नाममा नेपाल बैंकमा खाता खोल्ने र उक्त खातामा नगरपालिकाद्वारा प्रत्येक बर्ष रु. चार हजार जम्मा गर्दै जाने ब्यबस्था मिलाईने छ ।

उक्त संझौता पत्रमा नेपाल वैंक लिमिटेडको तर्फवाट प्रमुखकार्यकारी अधिकृत श्री कृष्णबहादुर अधिकारी तथा चाँगुनारायण नगरपालिकाको तर्फबाट नगर प्रमुख श्री सोमप्रसाद मिश्र वाट हस्ताक्षर गर्नुभएको छ ।

सम्झौता वमोजिम शुन्य मौज्दातमा खोलिएका त्यस्ता  खातामा बैंकले बचत खाताहरुमा प्रदान गर्ने उच्चतम ब्याजदर प्रदान गर्ने, बैंकमा खोलिएको खातामा रकम जम्मा गर्ने-झिक्ने लगायतका अन्तर वैंक सेवामा कुनै पनि शुल्क नलाग्ने लगायतका अन्य सुविधाहरु प्रदान गर्नेछ ।

साथै नगरपालिकाको सिफारिसमा खोलिएका खाताहरुमा रु. ३ लाख सम्मको निक्षेप बीमा समेत गरिनेछ । यस प्रकारका खातामा बालिका आफैले वा उनिहरुका अभिभावकहरुले समेत रकम जम्मा गरिदिन सक्नेछन् ।

यस प्रकारको कार्यक्रमबाट छात्राहरुको शिक्षामा पहुँच अभिवृद्धि गर्न, बिचैमा बिद्यालय छोड्नेलाई निरुत्साहित गर्न, गुणस्तरीय शिक्षा प्रदानगर्न, वाल विवाह निरुत्साहन गर्न, छोरीहरुको आर्थिक र सामाजिक सुरक्षागरी सुरक्षित भविष्य निर्माणमा सहयोग पुर्याउने अपेक्षा गरिएको छ । उक्त रकम छात्राहरुले १२ कक्षा उत्तिर्ण गरे पश्चात मात्र झिक्न पाउने बैंकले जनाएको छ ।