सिद्धार्थ बैंकद्वारा तीन अर्ब रुपैयाँ बराबरको ऋणपत्र जारि
वि.सं.२०७७ भदौ २२ सोमवार १५:०७
काठमाडौं: सिद्धार्थ बैंकले तीन अर्ब रुपैयाँ बराबरको ३० लाख कित्ता ऋणपत्र निष्कासन गर्ने भएको छ । इक्रा नेपालले उक्त ऋणपत्रलाई न्यून जोखिम जनाउने ‘इक्रा एनपी एलए’ रेटिङ प्रदान गरेको छ ।
बैंकले प्रतिइकाई १ हजार रुपैयाँ दरमा बिक्री गर्न लागेको ३० लाख कित्ता ऋणपत्र मध्ये १२ लाख कित्ता सर्वसाधारणका लागि र बाँकी १८ लाख कित्ता संघसंस्थालाई बिक्री गर्न लागेको जनाएको छ । बैंकले ऋणपत्र बिक्री गर्न धितोपत्र बोर्डमा आवेदन दिइसकेको छ ।
बैंकको यस ऋणपत्रमा वार्षिक ८ दशमलव ५ प्रतिशत ब्याजदर पाइने जनाएको छ । बैंकले ७ वर्ष अवधिको सिद्धार्थ बैंक डिबेन्चर २०८४’ नाममा ऋणपत्र जारी गर्न लागेको र बैंकको बिक्री प्रबन्धकमा एनएमबि क्यपिटल रहेको जनाएको छ ।
वि.सं.२०७७ भदौ २२ सोमवार १५:०७