अखबार नेपाल ट्रेन्डिङ

काठमाडौं: महालक्ष्मी विकास बैंकले आफ्ना ग्राहकहरुले कोरोना भाईरस पिसिआर परीक्षण सेन्ट्रल डायगनोस्टिक ल्याब्रोटरीमा गर्दा १५ प्रतिशत छुट पाउने सम्झौता भएको छ ।

बैंकका तर्फबाट का. मु. प्रमुख कार्यकारी अधिकृत सागर शर्मा र कम्पनीका तर्फबाट प्रमुख कार्यकारी अधिकृत उमेश प्रसाद गुप्ताले उक्त सम्झौता पत्रमा हस्ताक्षर गर्नु भएको छ ।

उक्त सम्झौता अनुसार बैंकको डेबिट कार्ड तथा मोवाइल बैंकिङ प्रयोग गर्ने ग्राहकहरु, कर्मचारी लगायत कर्मचारीका परिवारले सेन्ट्रल डायगनोस्टिक ल्याब्रोटरीमा उपचार गराउँदा विभिन्न सेवा शुल्कमा छुट पाउनेछन् ।

सम्झौता अनुसार बैंकका डेबिट कार्ड तथा मोवाइल बैंकिङ प्रयोग गर्ने ग्राहकहरु, कर्मचारी साथै कर्मचारीका परिवारले जनरल प्याथोलोजी टेष्टमा अधिकतम २५%, र पिसिआर टेष्टमा अधिकतम १५ % आकर्षक छुट प्राप्त गर्न सक्ने बैंकले जनाएको छ ।