अखबार नेपाल ट्रेन्डिङ

काठमाडाैं: कामना सेवा विकास बैंकले कोरोना भाइरसका कारण सबैभन्दा बढी प्रभावित क्षेत्रलाई ब्याजमा छुट दिने निर्णय गरेको छ।

बैंकले यातायात, पर्यटन तथा होटेल व्यवसाय क्षेत्रअन्तर्गत व्यवसाय विस्तारका लागि कर्जा लिई कारोबार गर्दै आएका ग्राहकलाई ब्याजमा छुट दिने जनाएकाे छ ।

असार मसान्तसम्मको बक्यौता रकम २०७७ साल साउन मसान्तसम्म भुक्तानी गरेका ग्राहकलाई, साउन महिनाको ब्याज रकममा ५० प्रतिशत छुट दिएको बैंकले जनाएको छ ।

बैंकले होटेल, रेष्टुरेष्ट व्यवसाय अन्तर्गत ग्राहकलाई साउन महिनाको ब्याजमा ७० प्रतिशतसम्म ब्याज छुट दिइसकेको जनाएको छ ।

आफ्नो बक्यौता रकम भुक्तान गर्न नसकेका  ग्राहकले साउन महिनाको तिर्नुपर्ने रकम चुक्ता भुक्तान गरेमा यो योजनाको लाभ उठाउन सक्ने बैंकले जनाएको छ ।

हायर पर्चेज कर्जा लिएका ग्राहकले हालसम्मको सम्पूर्ण बक्यौता रकम भुक्तान गरेमा, यस त्रयमासको ब्याजदर ९ दशमलव ९९ प्रतिशत कायम गरिने बैंकले जनाएको छ ।