अखबार नेपाल ट्रेन्डिङ

काठमाडौं: वित्तीय क्षेत्रलाई आवश्यक मानब स्रोत निर्माण गर्न सांग्रिला डेभलपमेन्ट बैंक र क्वेष्ट इन्टरनेशनल कलेजबीच सम्झौता भएको छ ।

क्वेष्ट इन्टरनेशनल कलेजका तर्फबाट कलेजका अध्यक्ष कोलिन किरण श्रेष्ठ र सांग्रिला डेभलपमेन्ट बैंकको तर्फबाट बैंकका प्रमुख कार्यकारी अधिकृत सुयोग श्रेष्ठले साउन २८ गते उक्त समझदारी पत्रमा हस्ताक्षर गर्नु भएको छ ।

क्वेष्ट इन्टरनेशनल कलेजले पोखरा विश्वबिद्यालयबाट सन् २००९ मा स्वीकृति लिई व्यवस्थापनका बिबिए, बिएचएम र एम बिए का कक्षा संचालन गर्दै आएको छ ।

सांग्रिला डेभलपमेन्ट बैंकले सात सय भन्दा वढी विद्यार्थीहरु अध्यनरत उक्त कलेजका विद्यार्थीहरुलाई आवश्यकता अनुसार इन्टरनशिपको मौका दिँदै आएको छ ।

समझदारी पत्रमा हस्ताक्षर भएसंगै क्वेष्ट इन्टरनेशनल कलेजले बैंकका कर्मचारीहरुलाई कुनै पनि डिग्री कार्यक्रम तथा अध्ययन शुल्कमा भारी छुट दिने व्यवस्था गरेको छ ।

उक्त सहकार्यलाई मानब संसाधन विकासमा शिक्षा क्षेत्र, वित्तीय क्षेत्र, उद्योग तथा व्यवसाय बिच देखिएको ठुलो खाडल पुरिदै जाने अभियानको सुरुवाती कदमको रुपमा लिइएको छ ।

बैंकले संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई पालना गर्दै मुलुकभर ९१ शाखा कार्यालयहरु, ३० एटिएम द्वारा सेवा प्रदान गर्दे आइरहेको छ ।