अखबार नेपाल ट्रेन्डिङ

काठमाडौं: भिजिट भिसामा दुबई जान लागेका ब्रिटिस कलेजका ४६ जना विद्यार्थीलाई त्रिभुवन अन्तर्राष्ट्रिय विमानस्थल स्थित अध्यागमन कार्यालयले ‘शंकास्पद यात्रा’ भन्दै प्रस्थान अनुमति नदिइ गेटबाटै फर्काइदिएको छ ।

उनीहरु आज बिहान दुबई जान अन्तराष्ट्रिय विमानस्थलमा पुगेका थिए । शिक्षा तथा प्रविधि मन्त्रालयको सिफारिस र अध्यागमन विभागको पूर्व स्वीकृति नभएकाले विमानस्थल स्थित अध्यागमन कार्यालयले उनीहरुलाई प्रस्थान अनुमति दिन अस्विकार गरेको जनाएको छ ।

प्रस्थान अनुमति दिन अस्विकार गरेपछि ब्रिटिस कलेजका विद्यार्थीहरुले अध्यागमनका अधिकारीहरुसँग सवालजवाफ गर्ने प्रयास गरेका थिए । तर, अध्यागमनका अधिकारीहरुले गृह मन्त्रालयले तोकेको मापदण्ड पूरा नगरेकाले प्रस्थान अनुमति दिन नसकिने जबाफ विद्यार्थीहरुलाई दिएका थिए ।