अखबार नेपाल ट्रेन्डिङ

काठमाडौं:  काठमाडौं उपत्यकामा एक साताका लागि निषेधाज्ञा थपिएको छ । जेठ मसान्तसम्म लगाइएको निषेधाज्ञालाई थप एक साता बढाउने निर्णय भएको हो ।

काठमाडौं, भक्तपुर र ललितपुरका प्रमुख जिल्ला अधिकारीको संयुक्त बैठकले कोरोना भाइरसको जोखिम घटिनसकेको निष्कर्षसहित निषेधाज्ञा लम्ब्याउने निर्णय गरेको हो ।

निषेधाज्ञा लम्ब्याउने निर्णय भएता पनि निषेधाज्ञालाई केही खुकुलो पारिएको छ । अब तरकारी तथा खाद्यान्न पसल बिहान ११ बजेसम्म खुल्नेछन् । अनलाइन डोम डेलिभरी सेवा सञ्चालन हुनेछन् । पुस्तक पसल बिहान ११ बजेसम्म खुल्नेछन् । हार्डवेयर पसल अपरान्ह ४ बजेपछि खोल्ने निर्णय भएको छ ।

कृषिको समय भएकाले त्यससम्बन्धी कार्यलाई पनि सहजीकरण गर्ने, विभिन्न मुलुकमा जानका लागि भिसा लिने प्रयोजनमा निस्किने व्यक्तिलाई पनि सहजीकरण गर्ने निर्णय भएको छ ।

यो पनि पढ्नुहोस् :

कर्णालीमा डाक्टरी पढाइको वैधानिक ढोका खुल्यो