काठमाडौं:  प्रचण्ड-नेपाल समूहको संसदीय दलको नेता चुनिएपछि नेपाल कम्युनिष्ट पार्टी (नेकपा) कार्यकारी अध्यक्ष पुष्पकमल दाहाल ‘प्रचण्ड’ले प्रतिनिधि सभा पुनर्स्थापित गरेर नयाँ सरकार बनाउने प्रतिबद्धता व्यक्त गरेका छन् । उनले सबै राजनीतिक दलसँग सहकार्य गरेर राष्ट्र र जनताको अपेक्षा अनुसार काम गर्ने गरी नयाँ सरकार गठन गर्ने बताए।

उनले आफूले चुनौतीको समयमा जिम्मेवारी पाएको बताएका छन्।‘संघीय लोकतान्त्रिक गणतन्त्र, समावेशी लोकतन्त्र र यो प्रतिनिधि सभालाई जीवन्त राख्नमा मैले लगाउने छु।’उनले भने, ‘जनताको भरोषामा सबै राजनीतिक दलहरुसँग सहकार्य गर्दै र माननीट्ठको विश्वास लिँदै संसदलाई जीवित राखि राख्न र त्यहाँबाट जनता र राष्ट्रको पक्षमा मैले सबै तागत लगाउने छु, मलाई विश्वास छ अन्तत: हामी सफल हुनेछौं।’

प्रचण्ड-नेपाल समूहको विघटित नेकपा संसदीय दलको बैठकले प्रधानमन्त्रीको प्रतिनिधि सभाको कथित विघटन गर्ने कदम र राष्ट्रपतिको स्वीकृतिलाई अस्वीकार गर्दै प्रतिनिधि सभाको नियमित कार्य अघि बढाउन माग गरेको छ।

यो पनि पढ्नुहोस् :

पुष्पकमल दाहाल संसदीय दलको नेतामा चयन