पुष्पकमल दाहाल संसदीय दलको नेतामा चयन
वि.सं.२०७७ पुस ८ बुधवार १५:४८
काठमाडौं : नयाँ बानेश्वरस्थित संसद भवन परिसरको ल्होत्से हलमा बुधबार बसेको नेकपाका बहुमत सांसदहरूको बैठकले नेकपाका कार्यकारी अध्यक्ष पुष्पकमल दाहाल ‘प्रचण्ड’ लाई संसदीय दलको नेतामा चयन गरेको छ।
संसद् भवन नयाँ बानेश्वरमा बसेको प्रचण्ड र माधव नेपाल पक्षका सांसदहरूको बैठकले यस्तो निर्णय गरेको हो। संसदीय दलको नेतामा प्रधानमन्त्री केपी ओलीलाई हटाएर प्रचण्डलाई चयन गरिएको हो।
बैठकमा नेकपाका १७४ मध्ये ९३ सांसद सहभागी भएको र राष्ट्रियसभाका सांसदसमेत गरेर ११५ जना उपस्थित भएको एक सांसदले जानकारी दिएका छन् ।
यसअघि प्रचण्ड- नेपाल समूहको नेकपाको मंगलबारको बैठकले अध्यक्ष केपी शर्मा ओलीलाई अनुशासनको कारबाही गरी रिक्त स्थानमा नेता माधवकुमार नेपाललाई अध्यक्ष चयन गरेको थियो ।
यो पनि पढ्नुहोस् :
शिलान्यास गरेको १४ महिनापछि सुरुङमार्गको काम सुरु
वि.सं.२०७७ पुस ८ बुधवार १५:४८