अखबार नेपाल ट्रेन्डिङ

काठमाडौं : इटालियन सिरी ए मा साविक विजेता युभेन्ट्सको यस सिजन पहिलो हार बेहोरेको छ । सिरी ए को गएराति भएको खेलमा १० खेलाडीमा सीमित युभेन्ट्सको घरेलु मैदानमै फियोरेन्टिनासँग ३-० ले पराजित भयो ।

युभेन्ट्सको मैदानमा भएको खेलको तेस्रो मिनेटमा डुसान भ्लाहोभिकले गोल गर्दै फियोरेन्टिनालाई अग्रता दिलाएका थिए । १८औं मिनेटमा जुवान क्वाड्राडोले रातो कार्ड पाएपछि युभेन्ट्स दश खेलाडीमा झर्यो ।

दोस्रो हाफमा फियोरेन्टिनाले दुई गोल थप्यो । ७६औं मिनेटमा युभेन्ट्सकै एलेक्स सान्ड्रोले आत्मघाती गोल गर्दै फियोरेन्टिनाले अग्रता दोब्बर बनायो । ८१औं मिनेटमा मार्टिन कासर्सले गोल गर्दै फियोरेन्टिनाको जित पक्का गरे ।

जितपछि १४ खेलबाट १४ अंङ्क जोडेको फियोरेन्टिना १५औं स्थानमा उक्लेको छ । रेलिगेसन क्षेत्रबाट पेयोरेन्टिना ५ अंकले माथि छ ।
उता युभेन्ट्सले भने हारपछि तेस्रो स्थानमा पुग्ने मौका गुमायो भने चौथो स्थानमा झरेको छ । १३ खेलबाट २४ अंक रहेको युभेन्ट्स नापोलीसँग गोलअन्तरमा पछि पर्दै चौथो स्थानमा झरेको हो ।

यो पनि पढ्नु होस्

https://www.akhabarnepal.com/%e0%a4%87%e0%a4%8f%e0%a4%ab%e0%a4%8f%e0%a4%b2-%e0%a4%95%e0%a4%aa-%e0%a4%86%e0%a4%b0%e0%a5%8d%e0%a4%b8%e0%a4%a8%e0%a4%b2%e0%a4%b2%e0%a4%be%e0%a4%88-%e0%a4%b9%e0%a4%b0%e0%a4%be%e0%a4%89%e0%a4%81/