अखबार नेपाल ट्रेन्डिङ

काठमाडौं: पछिल्लो २४ घन्टामा नेपालमा थप ८ सय १८ जनामा कोरोना भाइरसको संक्रमण देखिएको छ।

२४ घन्टामा देशका विभिन्न प्रयोगशालामा गरिएको परीक्षणका क्रममा थप ८ सय १८ जना सहित नेपालमा कोरोना भाइरस संक्रमित हुनेको संख्या ३१ हजार ९ सय ३५ जना पुगेको स्वास्थ्य तथा जनसंख्या मन्त्रालयले जनाएको छ ।

काठमाडौं उपत्यकामा आज १ सय ६६ जना संक्रमित थपिएका छन् । काठमाडौंमा १ सय २६ भक्तपुरमा २८ र ललितपुरमा १२ जना थपिएको मन्त्रालयले जनाएको छ ।

पछिल्लो २४ घण्टामा थप २ सय ८१ जना सहित नेपालमा हालसम्म १८ हजार ६ सय ३१ जना उपचारपछि कोरोना संक्रमणमुक्त भएका छन्।

नेपालमा हालसम्म १ सय ५० जना कोरोना संक्रमितको मृत्यु भएको मन्त्रालयले जनाएको छ ।