अखबार नेपाल ट्रेन्डिङ

काठमाडौं: नयाँ बानेश्वरमा सञ्चालित सिम्बोलिक फेशनको दोस्रो आउटलेटको नायिका स्वस्तिमा खड्का तथा नायक तथा निर्देशक निश्चल बस्नेतद्वारा उद्घाटन गरिएको छ । सिम्बोलिक फेशनको पहिलो आउटलेट बैशाख १ गते देखि मैतिदेवीमा सञ्चालन भईरहेको छ ।

सिम्बोलिक फेशनको दुबै आउटलेटहरुमा महिला, पुरुष तथा बालबालिकाहरूको लागि चाहिने बिभिन्न ब्रान्डका कपडा, जुत्ता तथा एसेसरिजहरु उपलब्ध छन् । साथै सिम्बोलिकमा नाईक, एडिडास, रिबोक, अर्क जस्त उच्च गुणस्तरका ब्राण्डेड जुत्ताहरुको कलेक्सन समेत उपलब्ध छ । उक्त स्टोरका सामानहरु कम्पनीको अफिसियल फेसबुक पेज तथा ईन्स्टाग्राम मार्फत अनलाइनबाट समेत खरीद गर्न सकिनेछ भने देशैभरी घरैमा बसीबसी अर्डर गरी घर घरमा डेलिभरी दिने सेवा समेत उपलब्ध छन् ।

विभिन्न बैंक मार्फत भुक्तानी एवं ई–वालेट, ई–सेवा, आईएमईपेबाट समेत अनलाईन खरिदमा भुक्तानी गर्न सक्ने कम्पनीका सिईओ आशिष तामाङले बताए । निकट भविष्यमा नै सिम्बोलिक फेसनको ई कमर्स पोर्टलबाट समेत घरैमा बसि सामान खरिद गर्न सक्ने तामाङले बताए । स्टोरले आफ्ना ग्राहकहरूलाई उच्च–गुणस्तरयुक्त सामान उपलब्ध गराउने र ग्राहकको फेसन आवश्यकता पुरा गर्न सक्षम हुने कलाकारद्वय खड्का र बस्नेतले शाखा उद्घाटनको क्रममा बताए । कलाकारद्वयले २०२० को अन्त्यसम्म थप तीनवटा आउटलेट खोल्ने कम्पनीको योजनालाई पनि हौसला प्रदान गर्नुका साथै सफलताका लागि बधाई तथा शुभकामना दिए ।

उद्घाटनको साथसाथै कम्पनीले माघ १७ गतेसम्म आउटलेटमा उपलव्ध सम्पूर्ण सामानहरुमा २५% ग्रान्ड ओपनिङ छुटदिने घोषण गरेको छ । साथै कम्पनीले सामाजिक संञ्जाल फेसबुक, ईन्स्टाग्राम मार्फत चेक–इन गर्नेहरूको लागि अतिरिक्त ५५ छुट कुपन प्रदान गरिने र उक्त कुपन कम्पनीको दुबै आउटलेटमा प्रयोग गर्न सकिने बताएको छ ।

यस बाहेक, कम्पनीले दैनिक, साप्ताहिक, र मेगा लकी ड्रको पनि घोषणा समेत गरेको छ । लकी ड्रमा भाग लिन ग्राहकहरूले कम्तिमा दुई हजार मूल्य बराबरको सामानहरू खरिद गर्नुपर्ने छ । दैनिक भाग्यशालीको छनोट प्रत्येक दिन अफिसियल फेसबुक पेजबाट फेसबुक लाइभ मार्फत घोषित गरिने बताईएको छ । दैनिक लकी ड्र को विजेताले कम्पनीको कुनैपनि आउटलेटहरूमा अन्य सामान खरिदमा ४०% छुट पाउनेछन् ।

साप्ताहिक लकी ड्रका दुई विजेताहरूको माघ १० र माघ १७ मा घोषणा गरिनेछ र विजेताहरूले एमआई बन्ड–४ प्राप्त गर्नेछन् । त्यसैगरी मेगा लकी ड्र को तीन विजेता माघ १७ मा घोषण गरिने र पहिलो विजेताले ३२ ईन्च भिडियोकोन एलइडी टेलिभिजन, दोस्रो विजेताले क्युबोट नोभा स्मार्ट मोबाईल र तेस्रो विजेताले पाँच हजार बराबरको गिफ्ट भौचर पाउने कम्पनीले जनाएको छ ।