अखबार नेपाल ट्रेन्डिङ

एजेन्सीः कोरोना भाइरसको संक्रमणबाट चीनमा हालसम्म १७ जनाको मृत्यु भएको छ । मानवीय क्षति बढेपछि चीनले वुआन सहरलाई नै शिलबन्दी गरेको छ भने देशभरका मानिसहरुलाई यात्रा गर्न प्रतिबन्ध लगाएको छ ।

चीनको वुआनमा मात्रै पाँच सय मानिसहरुमा यो भाइरसको संक्रमण देखिएको छ । चीन सरकारले मानिसबाट मानिसमा सर्ने यो भाइरस रोकथामका लागि यात्रा गर्न प्रतिबन्ध लगाइदिएको छ । नयाँ वर्ष लुनारमा करोडौं मानिसहरु देशभित्र र बाहिर यात्रामा जाने गर्छन् ।

सबैभन्दा पहिले चीनमा देखिएको कोरोना भाइरस अमेरिकासम्म फैलिसकेको छ । कोरोना भाइरस फैलिएपछि अमेरिकाले विमानस्थलहरुमा स्वास्थ्य परीक्षण केन्द्र स्थापना गरी स्वास्थ्य जाँचमा कडाइ गरेको छ । विश्व स्वास्थ्य संगठन (डब्ल्यूएचओ) ले संक्रमण फैलिँदै गएपछि बुधबार आकस्मिक बैठक समेत गरेको थियो ।